مشاهدة النسخة كاملة : اخلاء الطرف والخروج النهائى


احمد فايد
02-22-2012, 02:08 PM
السلام عليكم ورحمة الله وبركاته

ياجماعة هل الخروج النهائى يغنى عن اخلاء الطرف ؟؟

وجزاكم الله خيرا ........

gpr_2010
02-22-2012, 02:59 PM
الكلام دا سمعته بالظبط من موظف بالسفارة وكلام مقنع لانه مش هيطلعلك خروج نهائي الا بعد اما يكون اخلي طرفك من عنده لانه منزلك نهائي برغبته فبالتالي تعتبر خالي الطرف بس صدقني معظم الاماكن المحترمة بتتمسك باخلاء الطرف وقانونا من حقك تطلب اخلاء طرف وتاخده قانون العمل بيقول كدة بس بالنسبة للصيادلة هيطلعلك كذا حجة يقوللك لسة المحاسبين بيراجعوا لا فيه حاجات متسجلتش ويتحجج بحجج عشان يعطلك بس لو صبرت هتاخده رغم انفه

احمد فايد
02-22-2012, 03:05 PM
رغم انفه

اعتقد مفيش فى السعودية الكلمة دى

احنا بس الى بنعامل رغم انوفنا

ولا حول ولا قوة الا بالله

تامرمحمدعزت
02-22-2012, 03:36 PM
بسم الله الرحمن الرحيم


في سفريتي الاولي لم اخذ اخلاء طرف


بس الوقت كان 5 سنوات فرق بينها وبين الثانيه



فاعتقد ان المده بالسنوات هي الفرق


يعني لو لم يأخذ اخلاء طرف هيفضل في مصر علي الاقل سنتين

ده علي حد علمي

dr.adel
02-22-2012, 04:23 PM
اولا لو معاك شهاده خبره من المكان الاول تغني عن اخلاء الطرف ف التجديد ثانيا الخروج النهائي فيه 3سطور فيهم سطر متعلق باخلاء الطرف ونصه كلاتي وقداخلي طرفه بطريقه نظاميه يعني لو معاك تاشيره الخروج النهائي الاليكترونيه حطها ف عين اللي بيقولك اخلاء ونفخ

Copacabana
02-22-2012, 08:29 PM
و الله دكتور احمد انا هرد عليك من واقع البحث فى ذلك الامر

اولا : لما بيقدملك الكفيل على خروج نهائى لازم يسلم مخالصة للجوازات
ودى تعتبر كأنها اخلاء طرف لكن مع الاسف موش بيكون مكتوب عليها اخلاء طرف
و للأسف هى بتتسلم فى الجوازات وانت موش بتاخدها
لكن الاخلاء ده حاجة كدا ملهاش اى لازمة اصلا بس اتعمل لها قيمة
كآداة فى يد الكفيل يخنق بيها على مكفوله
و لا ليها اى لازمة فى تخليص الورق و التأشيرة لما تيجى تسافر مرة تانية
و لا تغنى و لا تسمن من جوع
لكن بقت الصيدليات او الشركات تتطلبها من واحد كان شغال قبل كدا
كرمز انه شخص كان ملتزم و معندوش مشاكل و هذه قولة حق يراد بها باطل
لأن فى ناس كتير موش بتمنحه بقرار تعسفى لأنه بيبقى مسألة
غل انك اشتغلت فترة و حبيت تسيبه و ياحبذا لو قبل مدة عقدك ما تنتهى
يعنى موش اسبات حسن سيرة و لا حاجة



طيب ماذا لو ان مفيش اخلاء طرف
الطبيعى لو ان الواحد عرف ان مفيش اخلاء طرف انه انصحه مايضيعش وقت
مع الكفيل و ياخدها من قصيرها و يقضى سنة و يمشى

فى اربتاط
مابين الاخلاء و ترخيص مزاولة المهنة
بمعنى ان الترخيص بيبقى مدته 3 سنوات مسجل فيهم
اسم الكفيل القديم و تنتهى بإنتهاء العقد

1- لو موشمعاك اخلاء طرف و لا ترخيص يبقى كدة معقول
هتغير جواز السفر و لا تذكر بالمرة انك سافرت قبل كدا
كلام بس علشان تمشى بيه ورقك (طبعا فى ناس هتقولك
طيب و البصمة ينبغى نصحح لهم فكرهم ان دى وسيلة لتقصى
وضعك الامنى ليس اكتر و انت طبيعى لما تدخل المطار او الميناء
هتدخل مع الناس اللى سافرت قبل كدا و محدش هيتكم معاك
و هتطلع اقامة جديدة و رخصة لأول مرة بالصيدلية الجديدة
و الكفيل الجديد

2- لو مفيش اخلاء طرف و فى ترخيص
هناك حلين اما انك يظل معاك الباسبور و تشوف مجموعة
موش بتهتم باخلاء الطرف
او تغير باسبور و لما تخلص ورق التاشيرة وكل حاجة
تصارحهم بحقيقة القرارات التعسفية بتاعة مجموعتك القديمة
و اعتقد ان اللى سافر قبل كدا بالنسبه ليهم مكسب
وهناك حل تالت انك تروح للشئون الصحية
و تطلب منهم ايقاف رخصتك نهائيا لأنك خرجت نهائى


وعامة هى مسألة بتمشى مع الناس بالحظ
و فى ناس كتير خرجت بدون اخلاء طرف و رجعت
متشغلش نفسك ان شاء الله ليها حل

Copacabana
02-22-2012, 08:35 PM
وبردو فى لينك بردو كنت عايزك تقراه حاطه مشرف فى منتدى
و موظف اصلا فى الجوازات

http://www.egyptiantalks.org/invb/index.php?showtopic=73357

arcalion
02-23-2012, 02:01 PM
2 - وهذا هو المهم .. في حالة الخروج النهائي أو الخروج والعودة والإقامة سارية ... وروحت بلدك وغيرت الجواز ورجعت مرة أخرى بتاشيرة جديدة وكنت باصم بالخمستاشر قبل ذلك ... أول ما ترجع من المطار المفروض ياخدوا بصمتك مرة أخرى .. فأوتوماتكي هايظهر عندهم في قاعدة البينانات إنك كنت هنا إن شاء الله من يومين حتى .. ومع ذلك سلطات الجوازات لا تكترث ولا تهتم بهذا الشيء طالما لم يكن ضدك أي ملاحظات أمنية

dr_muslim
02-24-2012, 08:11 AM
لا تذكر بالمرة انك سافرت قبل كدا
كلام جميل يا دكتور.
لكن ممكن يعرفوا لما التأشيرة تيجي تتطلع من بياناتك السابقق المسجلة في السفارة.
وساعتها ميرضوش يطلعوا التأشيرة الا لما يطالبوك باخلاء الطرف والاوراق الاخري.
هتطلع اقامة جديدة و رخصة لأول مرة بالصيدلية الجديدة
و الكفيل الجديد
لكن الاقامة الجديدة هتكون بالصورة السابقة.
ساعتها برضو الكفيل هيعرف انك كنت موجود.

Copacabana
02-24-2012, 11:18 AM
كلام جميل يا دكتور.
لكن ممكن يعرفوا لما التأشيرة تيجي تتطلع من بياناتك السابقق المسجلة في السفارة.
وساعتها ميرضوش يطلعوا التأشيرة الا لما يطالبوك باخلاء الطرف والاوراق الاخري.

لكن الاقامة الجديدة هتكون بالصورة السابقة.
ساعتها برضو الكفيل هيعرف انك كنت موجود.

الناس اللى مشيت فى الموضوع
وجت و انا سألتهم
قالولى ان لما بتعمل جواز جديد بيطلع لك التأشيرة بدون اى مشاكل
دا رقم واحد
و ثانيا احنا قلنا ان اخلاء الطرف ليس له قيمة حقيقية
يمعنى انك لما تيجى تمشى خروج وعودة او نهائى بيبقى معاك ورقة مخالصة
و الورقة دى بتتفدم للجوازات وهى دى تحديدا الورقة المهمة بالنسبة ليهم
موش اخلاء الطرف و طبيعى ان كل اللى بيخرجوا
ببعملوها اذا مفيش حد بيطالبك بحاجة
الاقامة هتتطلع بورق جديد يخص كفيل اخر
و اصلا يعنى قصة ان الواحد كان موجود قبل كدا موش تهمة تتدارى
عادى ممكن يشرحلهم الحكاية وما فيها
و الناس هناك موش بتكترث بحاجات ذى كدة يعنى بعدما يكون جابك هيرجعك اهى
حيل تتعمل فى هذا المووضع لما يتربط بورقة غير ذات اى معنى اسمها اخلاء الطرف

eto
02-25-2012, 09:51 AM
انا كنت هنا في السعودية ورجعت تاني....اخلاء الطرف لازمته الوحيدة هى انك تطلع ترخيص مزاولة مهنة على المكان الجديد....بيطلبوه في الشئون الصحية.......ولكن لو مش معاك ممكن لو الكفيل له علاقات يخلصلك الترخيص بدونها.....مع العلم اني سمعت ان في بعص المديريات الشئون هنا بتتساهل في بعض المناطق و البعض ما فيهوش هزار .. في واحد صاحبي كان معاه خروج نهائي بس مش معاه اخلاء الطرف...كان الكفيل على وشك انه يروحه مصر بسبب ان الشئون الصحية اشترطت اخلاء طرف .. بس الحمد لله الموضوع مشي بس بصعوبة......انا بحكيلك عن تجربة شخصية وليس عن طريق روايات......

Copacabana
02-25-2012, 10:41 AM
ماهو علشان كدة بنعتبر اللي موش معاه رخصةحظه كويس

dr.adel
02-29-2012, 11:49 AM
ازيدك م الشعر بيت يا طويل العمر لو معاك شهاده خبره من المكان القديم يغني عن اخلاء الطرف للتجديد ف المكان الجديد ربنا يطول لنا ف عمرك

magdy
04-26-2012, 12:47 AM
طب لو سمحتم يا دكاتره
لو الواحد سافر الى بلده خروج وعودة ولم يرجع تانى على نفس الشركة
واراد السفر على مجموعة اخرى وغير الجواز هل فيه مشكلة كبيرة تمنعه من عدم دخول السعودية لمدة عامين كما هو مشاع وبنسمع الكلام ده اليومسن دول وهل بيبقى فيه مشاكل فى الجوازات فى السعودية والصحة على الرغم من انه خرج ذهاب وعودة ومفيش مشاكل مع الكفيل ولا قضايا عليه فى السعودية وليس متهم بأى شئ
هل فيه مشكله هناك مع وزارة الصحة علما بأنه معاه ترخيص مزاولة مهنة سارى وتصريح لمدة عامين هل يمنعه ذللك من السفر مرة تانيه على اساس انه ليس معه اخلاء طرف او خروج نهائى
نرجو الافادة المؤكدةوالشافيه وشكرا لكم

صيدلانى
04-27-2012, 12:05 AM
طب لو سمحتم يا دكاتره
لو الواحد سافر الى بلده خروج وعودة ولم يرجع تانى على نفس الشركة
واراد السفر على مجموعة اخرى وغير الجواز هل فيه مشكلة كبيرة تمنعه من عدم دخول السعودية لمدة عامين كما هو مشاع وبنسمع الكلام ده اليومسن دول وهل بيبقى فيه مشاكل فى الجوازات فى السعودية والصحة على الرغم من انه خرج ذهاب وعودة ومفيش مشاكل مع الكفيل ولا قضايا عليه فى السعودية وليس متهم بأى شئ
هل فيه مشكله هناك مع وزارة الصحة علما بأنه معاه ترخيص مزاولة مهنة سارى وتصريح لمدة عامين هل يمنعه ذللك من السفر مرة تانيه على اساس انه ليس معه اخلاء طرف او خروج نهائى
نرجو الافادة المؤكدةوالشافيه وشكرا لكم

same same
وبجهز ورقى علشان أسافر ان شاء الله ومن غير ما أغير الجواز و لم يمر سنتين
أظن المشكلة بس فى حالة لو عامل مشاكل والكفيل مبلغ عنك أو عاملك ممانعة
والله أعلم

صيدلانى
04-27-2012, 12:06 AM
وأظن كمان المفروض اقامتك تسقط قبل ما ترجع تانى يعنى تكون طلعت اكسبير

DR.H.M.H.Y
05-30-2012, 03:25 PM
طيب ياجماعه ارجوكوا فيدونا انا معايه اخلاء طرف بس معايش تصريح مزاواله لانه لم يتم استخراجه من الاساس ايهع الحل؟

الثائر الحق
05-30-2012, 08:28 PM
ما الحل
واحد صاحبي كفيله معطيه شهادة خبره واخلاء طرف
ولكن كتبله في هذه الشهاده
ممانعه من دخول المملكه ؟
هل من الممكن العوده للعمل بالمملكه؟؟؟؟
واذا سافر هل سيواجه مشاكل من الشئون الصحيه علي الرغم من وجود كارنيه الهيئه معه
:mi--:

sherif89
05-31-2012, 03:22 AM
طب لو الترخيص انتهي و لم يتم تجديده يعني بقي اكسبير
في حاله العوده مرة اخري هل يطالب باخلاء طرف ام انه يرخص
من اول جديد

dr_smsma
08-04-2012, 02:11 PM
مع إني معرفش أي حاجة عن المواضيع اللي زي دي بس ربنا يوفقكم
الواحد مش عارف وزارة القوى العاملة بتعمل إ !!!!!!!!!!!!!

لا حول و لا قوة إلا بالله العلي العظيم