مشاهدة النسخة كاملة : شركة أدوية ومكملات ، مصنع صغير ، مصر معاك


دكتورأحمدزكي
05-13-2012, 08:23 PM
السلام عليكم يا دكاترة – بعد ثورة شعب عظيم مش لازم أبدا يكون الخيار الأول للصيدلي أول ما يتخرج إنه يفتح صيدلية ، لأن عندنا بالفعل 60000 صيدلية ف مصر تكفي وتزيد. طب إيه البديل ؟ سألتني بقي إيه البديل ، أكيد فكرت إنك صيدلي وكيميائي أساسا ، فمش معقول تخلي مشروعات لازم تبقي بتاعة الصيادلة، وناس تانية تعملها بدالك ، لأ وإيه تكلفتها ف معظم الأحوال أقل من تكلفة تأسيس صيدلية!! يعني مثلا مين فينا فكر إنه يفتح مشروع تقطير واستخلاص زيوت عطرية ثابتة وطيارة ؟ عارفين فيه عجز أد إيه ف مصر والعالم العربي في الزيوت والمستخلصات ، وتعرف إنك ممكن تشتغل ع التصدير لدولة واحدة أو العمل للسوق المحلي لمحافظة واحدة وما تقدرش تكفيها احتياجاتها م الأطنان المطلوبة؟ لأ وتعرف إن تكلفة المشروع الأولية لا تزيد عن 50 ألف جنيه مكن وأقل من نصهم خامات؟!! طب بلاش دي ، حد فكر يعمل أكياس المياه بتاعة المضاد الحيوي الشرب ، تكلفة المشروع زي اللي فوقه تقريبا ، وفيه عجز دائم ف السوق المصرية ليها ؟!! ، طب حد حاول يعمل فكرة مفيش أسهل منها ف تصنيع الشنط البلاستيك ؟ وده مشروع مش كيميائي ولا دوائي لكن يتعمل بأقل تكلفة ويدر أعلي ربحية؟!! ، بلاش كل ده، حد فكر ف تصنيع الكحول الإيثيلي من المولاس أو م الورق أو السكريات؟؟ وأكيد نعرف زيادة الطلب المصري والعالمي ع الكحول الإيثيلي عشان ابتدوا يخلطوه بالبنزين للعربيات بنسب بتزيد كل سنة؟ وحد عارف إن مكسب المشروع 150% ع الأقل ودورته 3 شهور ، وتكلفته برضه مش كبيرة؟ ، طب حتي عاوز تصنع مستحضرات مصرية تحد شوية م الاستيراد ، تشتغل فيها لو ليك ف الدعاية ومالكش ف التصنيع ووجع الدماغ ، طب ليه ما تعملش كده ، برضه أرخص م الصيدلية!! احنا عشان كده يا دكاترة عملنا مبادرة مصرية –يمكن مش خاصة بالصيادلة بس – بس بصفتي منهم كان لازم يكون منتدانا أول مكان لنشر المبادرة ، اسمها مبادرة مصر معاك ، لتشجيع الصناعات المتناهية الصغر والصغيرة والمتوسطة علي مستوي الجمهورية ، وبنقدم فيها الدعم الفني ، وكمان دراسات الجدوي ، وحلول فنية وتمويلية وأفكار لمشروعات صغيرة للشباب ، مع دراسة تسويقية وتوجيه لصاحب المشروع للسوق الملائم لسلعه المنتجة ، يا تري مين معانا يا صيادلة ؟؟ اللي عاوز يشارك بعلم أو خبرة أو تسويق أو إدارة أو طالب يبدأمشروع أو إنتاج ياريت يتواصل معانا ، واحنا مؤمنين ،بأمر الله ،إن المبادرة حتتحول لمبادرة عربية شاملة للمشروعات الصغيرة علي مستوي العالم العربي ، برجاء التواصل معنا علي هذا المنتدي أو ع الهوتميل أو علي زيرو مائة ستة اثنان زيرو ثلاثة تسعة اثنان وعشرون سواء اللي عاوز يكون معانا ف المبادرة أو طالب فكرة أو مساعدة فنية أو دراسة جدوي لمشروع ، وشعارنا جميعا : مصر معاك

الفاروق
05-14-2012, 02:19 AM
:at--:برافووووووووووووووو

:at--:انا معاااااااااااااااااااااااااااك

دكتورأحمدزكي
05-14-2012, 05:43 PM
السلام عليكم دكتور
المبادرة بتاعتنا فيها صيادلة وطلبة ومهندسين وخبراء تسويق ومحامين ، وكلنا متطوعين وبنشتغل بأقل الإمكانيات لأن الفكرة ف بدايتها ، والهدف إن الصيدلي أو الشاب المصري عموما أيا كان تخصصه ، نقدر نساعده ع بداية مشروع إنتاجي ، لأن ده اللي خلي الصين نمرة 2 ع العالم ف 15 سنة
المهم إن المبادرة دي ممكن تكون متطوع فيها أو مستفيد من خبرات الناس اللي فيها أو ال2 مع بعض ،
احنا حاليا شغالين بالتواصل ع النت ع المنتدياتالعلمية والهندسية ولينا موقع اسمه (مصر معاك) صفحة ع الفيس تكون مركز تجمع للأفكار لينا كلنا ، وفيه أكيد لقاءات كتير بتتم بس مفيش حاليا مركز حقيقي وليس افتراضي كمقر للمبادرة ، بس قريبا منتظرين تبرع بشقة ف وسط البلد تكون مقر للمبادرة اللي نتمني تعدي الحدود للعالم العربي كله ف أقرب وقت
انتي شوف تقدر تساعد بإيه ، أو محتاج مساعدة ف إيه وتواصل معانا

حسن متولي
05-14-2012, 10:03 PM
مجهود مشكورين عليه يا شباب ..

طبعا بلا شك الاتجاه الى التصنيع بديلا عن الاستيراد

هو اللي حينقل مصر الى مصاف الدول المتقدمة

و خاصة المشروعات الصغيرة و المتوسطة

و صراحة من الصعب جدا ان يدخل الشباب في مثل هذه الصناعات

و ذلك للتعقيد الكبير في الاجراءات و الذي لا يتغلب عليها سوى المحسوبية و رؤؤس الاموال الكبيرة و الشركات

اتمنى ان يتغير مناخ العمل في مصر ...

و بالتأكيد مبادرتكم هو خطوة نحو هذا الهدف

اتمنى المشاركة بشكل شخصي في هذه المبادرة

و اتمنى ان يكون للمنتدى دور في هذه المبادرة

و جزاكم الله خيرا

د-شاكر
05-15-2012, 10:53 PM
معاكم
أنا عندى أفكار كتيرة وتحتاج لتشجيع
على فكرة اّخر مشكلة ممكن نفكر فيها هى التمويل لأن الواقع ان ناس كتير معاها فلوس بس مفيش حد عنده ثقة فى اى استثمار
أنا بقالى 11 سنة فى السوق وشايف انى ضيعت عمرى فى الصيدلية بلا فائدة عشان كدة من سنة تقريبا وأنا باعمل مشاريع بس على الورق

eagle eye
05-16-2012, 12:20 PM
معاكم
أنا عندى أفكار كتيرة وتحتاج لتشجيع
على فكرة اّخر مشكلة ممكن نفكر فيها هى التمويل لأن الواقع ان ناس كتير معاها فلوس بس مفيش حد عنده ثقة فى اى استثمار
أنا بقالى 11 سنة فى السوق وشايف انى ضيعت عمرى فى الصيدلية بلا فائدة عشان كدة من سنة تقريبا وأنا باعمل مشاريع بس على الورق

يا ترى ايه الفايدة اللى هتعود على الجمعية بالظبط
هل بتورد الاجهزة ولا بتدى تمويلات بفوائد
و ياترى دراسات الجدوى مجانا ولا بقيمة
و ياترى و ده الاهم مصادر معلوماتكم بتجبوها منين

دكتورأحمدزكي
05-16-2012, 08:28 PM
السلام عليكم دكتور عيون الصقر
أسئلة ممتازة من صيدلي مدقق
للأسف لسنا جمعية حتي الان ، ولو صرنا فالمبادرة كل أنشطتها تطوعية ومجانية 100%
ودراسات الجدوي والخبرة الفنية لدي أي ممن في المبادرة مجانية تماما ، وبانسبة لمصادرنا ، فهي سواء مشروعات قام بعضنا بتنفيذها بالفعل ، أو دراسات جدوي وضعت لإنشاء مشروع ، أو أخري تم جمعها من مصادر عدة مثل صندوق التننمية ومركز معلومات رئاسة الوزراء-المأسوف علي شبابها!- وكذلك تراجم وتنزيلات من النت.

دكتورأحمدزكي
05-16-2012, 08:36 PM
دكتور شاكر ، السلام عليكم
بالفعل أنت أحد النماذج التي نسعي لانتهاء طريقة ونمط عملها من الصيادلة ف مصر!!!! أعني بالنسبة للجلوس داخل الصيدلية فقط والاكتفاء والرضا التام بهذا العمل دون السعي لتطويره كما تحاول أنت وأتمني لك التوفيق
أرجو التواصل معي علي 01006203922
وكذلك صفحة الفيس (مصر معاك )

eagle eye
05-17-2012, 02:52 PM
دكتور احمد شاكر
عذرا و لكن حضرتك مقل جدا فى كتاباتك
يا ريت تقولنا امثلة على المشروعات اللى قام بها فعلا شركائك فى الجمعية لعل الكل يستفيد
انت تعرف طبيعة الشعب المصرى عموما و طبيعة الصيادلة خصوصا فى التقليل من اهمية اى مشروع
لحد لما حد يعمله و تلاقى كل الناس بتقلده و تعمل زيه لحد ما يفشلوا جميعا
يعنى حد يفتح صيدلية الكل يفتح صيدليات
حد يفتح محل موبايل الكل يقلده
لكن تبقى الصناعة لها اسرارها
فكرت فعلا عندما قرات عن مركز تحديث الصناعة ان اقوم بعمل مشروع و اعجبتنى الكثير من المشروعات
و لكن احبط بعد ان اتصلت ب صندوق التنمية الاجتماعى ووجدت المشروع ليس اكثر من قروض و فوائد
و انا لا ارغب فى اخذ قرض
لذا صرفت نظر عن الموضوع
بالاضافة الى تشكيك المشككين فى قدرتى على التسويق
بمعنى هنتج بضاعة و اشربها فى الاخر
ارجو توضيح الامور اكثر لكى تعم الفائدة

صيدلي حر1
05-20-2012, 04:39 PM
افكار جميلة من صيادلة محترمة جزاكم الله خيرا

serag
06-17-2012, 12:52 AM
السلام عليكم انا بالفعل تعاقدت على مكان فى الصناعات الصغيرة بالاسكندرية ورخصتة انتاج زيوت عطرية ومستحضرات تجميل واريد ان ابدء وفكرت مبدئيا فى تعبئة الكحول والجلسرين والفزلين للصيدليات لتغطية التكاليف ومن ثم البدء جديا فى مشروع الزيوت ارجو المساعدة والافادة ولكم جزيل الشكر

sara elghandour
07-02-2012, 01:20 AM
السلام عليكم
ياحماعة هو مفيش فرصة للا تصال غير المنتدى؟

دكتورأحمدزكي
07-06-2012, 09:19 PM
ممكن الاتصال بنا علي الفيس بوك الصفحة الرسمية (مصر معاك)
أو الموبايل 01006203922
او الايميلbiopharcom ع الهوت ميل
او المنتدي هنا

دكتورأحمدزكي
08-22-2012, 02:21 PM
السلام عليكم دكتور
بالنسبة لمشروع تقطير ال fixed & volatile oils
1- الماكينات والمعدات والمكان:
المساحة المطلوبة للعمل من 75-100 متر + مسلحة تخزينية من 100-150 متر
اولا : جهاز تقطير سعة 400-500 لتر ستانلس 316 ال - وده للزيوت الطيارة والغير ثابتة حراريا
وبيتكلف من 25 -40 ألف حسب الكنترول ، وجودة ونوع الاستانلس ، والسعة اللترية
ثانيا : تانكات تركيز وتخزين ستانلس ، ودي من سعة 50 -200 لتر ، برضه 316
وبتتكلف من 1000- 5000 جنيه حسب السعة اللترية والاضافات ( محابس ، وصلات ، الخ)
ثالثا : ماكينة استخلاص زيوت ثابتة علي البارد : سعة 200-500 لتر/ يوميا
ودي بتتكلف من 7000 - 15000 حسب السعة والنوع والاضافات الالكترونية
وبعدين لازم يكون عندك دليل استخلاص زي ال USP ، أو ال BP أو حتي دستور الأدوية المصري
وبما انك صيدلي ده حيفيدك كتير م الخبرة بتاعة التقطير والاستخلاص والمعايرة اللي خدناها ف الكلية

2- بالنسبة للخامات : (النباتات المحتوية ع زيوت ثابتة او طيارة) ف دي بتتفقي مع شركة توريد مواد غذائية ع توريدها ، والأفضل طبعا انك تحصل عليها م المزارعين مباشرة لو ليكي حد بيتعامل مع الزراعة

3- بالنسبة للمنتج التام : ده بيتورد لشركات العطور ومصانع مستحضرات التجميل ، وشركات الأدوية، والخليج وأروربا بيسحبوا كميات كبيرة جدا م مصر ودايما فيه عجز ف التصدير

الميزة هنا ف الماليات ان الفلوس بتكون كاش بالكامل عند التوريد ، وف حالة التصدير بتتدفع داون بايمنت قبل حتي التوريد ما يتم
والمكسب الصافي لا يقل عن 100%
يعني لو الخامات ب 35 جنيه + العمالة ب 5 جنيه + التشغيل والايجار والكهربا والضرايب والماء ،الخ ب 10 جنيه = الاجمالي 50 جنيه ، يبقي سعر البيع لا يقل عن 100 جنيه فأكثر

بالتوفيق ان شاء الله
د. أحمد زكي

لو فيه اي استفسار أرحب بالرد علي 01006203922

دكتورأحمدزكي
08-22-2012, 02:22 PM
ممكن الاتصال بنا علي الفيس بوك الصفحة الرسمية (مصر معاك)
أو الموبايل 01006203922
او الايميلbiopharcom ع الهوت ميل
او المنتدي هنا

noor.noor
08-23-2012, 03:03 AM
د احمد زكى بجد جزاك الله كل خير الافكار عظيمة وان شاء الله بالهمة نوصل للقمة وانا معكم قلبا وقالبا ونفسى بجد نرتقى بمهنتنا وبعقولنا كشعب عشان نرتقى بصرنا الحبيبة اللى ياما استنزفت وكمان ننول رضا ربنا وده منتهى المنى لو امكن انضم معاكم واشارك انا عندى افكار كتيرة بس مشوشة لانى للاسف معنديش وقت فراغ لانى واخدة اجازة وقاعدة فى البيت عشان اطفالى صغيرين بس بجد نفسى اعمل اى مشروع وياسلام لو كان فى تخصصى اللى انا بعشقه ودخلته عن اقتناع تاركة الطب برغم قبولى فيها وللاسف ناس كتير بيلومونى دلوقتى ويقولو لى طب كان احسن لك لكن انا مازلت مقتنعة تماما ان مهنتنا تعطى من يعطيها والمهم الافكار تتغير للشعب كله مش الصيادلة بس وبالتوفيق للجميع

دكتورأحمدزكي
08-23-2012, 09:22 AM
بالعكس دكتورة التواجد الدائم بالمنزل يتيح لك فرصه كبيرة للمساعدة ، بتصفح الموسوعات وكتب الاقتصاد ونشرات دراسات الجدوي من مراكز البحوث ومركز معلومات رياسة الوزراء وغيرها كتي ر، وتقدري تفرغي كل ده ف صورة بيانات أو know how ، وده اول واهم واخر حاجة لنجاح أي مشروع ، انا شايف ان تساعدينا كتير ، تبني مثلا 5-10 مشاريع ، اقرأي عنهم كويس ف النت والمواقع والكتب ، واسألي مين اللي عملهم ونجح ومين عملهم وفشل، وحللي كل ده ف صورة داتا ، ونزليها ع صغحتنا ع الفيس (مصر معاك ) اللي حتكون المقر الدائم لجتماعاتنا ، ويا ريت كمان تشيري الصفحة لكل اللي تعرفيه ، عشان لسه جديدية ومحدش كتير مشارك أو يعرف عنها
شكرا لحماسك وتعاونك
د.أحمد زكي

dr_yasmeen
09-09-2012, 12:23 PM
السلام عليكم .. فكره المبادره ممتازه ويارب نشوف مصر نا الغاليه في مقدمه شعوب العالم
وبالنسبه للمشاركه لاتي حابه الفكره وهكون عندي فرصه للتعاون بشكل اكبر لاني في اجازه حاليا
عشان اطفالي
وبالتوفيق ان شاء الله

pharmaway_85
09-14-2012, 08:10 AM
الله يبارك فيكم .....
صيدلى اعمل فى السعودية ... وخبرتى والحمد الله كافية للعمل فى ك community pharmacist والحمد لله الواحد يقدر يساعد اخوانا المبتتدئين فى المهنة انهم ازاى يكونوا صيادلة مجتمع واثقين من نفسهم .. فاهلا بكم ومرحبا فى اى استفسار عن كيفية وادراة العمل داخل سلاسل الصيدليات الكبرى وطبعا دى برده للناس اللى عاوز تفتح صيدلية صغيرة من الاخر : صيدلى المجتمع 3 محاور 1- توفير اصناف 2 - معلومة كويسة 3- توظيف المعلومة صح ومحاولة ترجمتها الى بيع عن طريق المحاولة