مشاهدة النسخة كاملة : أسماء الأدوية بالطريقة الشعبية


أحمد سمير
10-16-2011, 12:00 PM
مين فينا موقفشى صيدلية
ومين اللى ممرش بمطبات فى الصيدلية من ضمنها المصطلحات ومعانى الكلمات اللى
بنسأل عليها بإستمرار أنا عارف إحنا درسنا فى الكلية حاجات
لكن الواقع حاجة تانية اللى أنا عاوز أقوله
إيه رأيكم نعمل معجم بمعانى تلك الكلمات بس
باللغة العامية
نستفيد منها ونضحك علها شوية وخصوصا
إن كل منطقة وليها مصطلحاتها.
يعنى على سبيل المثال
حبوب السريع فى بولاق هى النوفالجين
علشان بتشيل الصداع بسرعة
بس فى إمبابة هى باى ألكوفان.
أود أن تنال تانى مشاركة لية إعجابكم و مشاركتكم. http://www.futurepharmacist.net/forum/images/smilies/marsa128.gifhttp://www.futurepharmacist.net/forum/images/smilies/marsa128.gif

أحمد سمير
10-16-2011, 12:00 PM
كنت اتمنى مشاركاتكم وتعليقكم وسأكون أول من يساهم معكم.....
السريع......وهو النوفالجين
حباية إنتروفار..... وهى الإنتروكين
الكبسولة الصفراء بتاع السنان ........ الكيتوفان
الكبسولة البيضاء بتاع السنان ...... باى ألكوفان
الحباي البنى ........ سبازمو بيرالجين
حباية صفراء ومطهر معوى.............. انتينالياريت لو حد فاكر حاجة يشاركنا بيها

أحمد سمير
10-16-2011, 12:01 PM
عين الكتكوت.......... anafronil25mg
دواء كحة عليه المعلقة....... toplexil

أحمد سمير
10-16-2011, 12:02 PM
[QUOTE=منى المسلمه;30623]

والله الواحد من ساعه ما قعد من الصيدليه وهو نسى الحاجات دى

لكن نحاول نفتكر معاكم كده

قطره زرقا = اوكيو ميثيل
لهايه =سكاته=تيتينا
بنسلين صغير = تيراميسين عيون
الفيتامين الاحمر اللى عليه شجرا = نيوروتون
كلمه فوار بدون اى تعريف =فوار فواكه


واى خدمه يا دكتور

أحمد سمير
10-16-2011, 12:02 PM
[QUOTE=سمر الباز;30659]

احنا بقي عندنا الانتروفار=انتوسيد اقراص
حباية الفاصوليا(علشان شكل الفاصوليا)=اوبلونج نوفالجين
الفيتامين اللي عليه طائر=فيتو بلاس(وبصراحة موش فاهمة ايه علاقة الجينسينج اللي علي الفيتو بلاس بالطيور؟http://www.futurepharmacist.net/forum/images/smilies/frownn.gif)

الحبوب الزرقا بتاعة الاسهال=الاستربتوكين(وبرضه واضح ان الناس عندها عمي الوان موش شايفين ان الاستربتوكين احمر ماشاء اللهhttp://www.futurepharmacist.net/forum/images/smilies/frownn.gif)
مضرب=ابرة=محقن=سرنجة
حبوب ناموس=اقراص الناموس
قطرة بيضا=بريزولين(جديدة قطرة بيضا دي صح؟http://www.futurepharmacist.net/forum/images/smilies/icon_cheesygrin.gif)

أحمد سمير
10-16-2011, 12:03 PM
[QUOTE=خالد العيوطى;31028]حبوب للتمشية

في بعض البلاد يعني للاسهال

وبعض البلاد يعني للامساك

فاعرف بلدك..!!



حباية كيتوفان من أم خمسين قرش


يعني باي بروفينيد أو باي ألكوفان

انت وضميرك


علبة فوار من بتاعة الأملاح

يبقى يوروسولفين من غير ما تفكر ولا تسأل أي نوع من الأملاح..!!

أحمد سمير
10-16-2011, 12:04 PM
التركيبة دى جديدة لانج لو حد سألكوا على حاجة زيها يمكن تستعملها بيطرى :
من الحاجات الشعبية البيطرى اللى بتطلب تركيبة للإسهال وهى:

(antinal cap(1cap
( tetracyclin cap.(1 cap+
( entocid sach.(1 +
kaect comp

أحمد سمير
10-16-2011, 12:04 PM
دى تركيبة جديدة لانج لسة عارفها وهيه تركيبة هوجن إكسترا الجبارة:
كتير يدخلك الصيدلية ويسألك على عجينة للصراصير ولما يسأل على سعرها يتخض ويمشى وبنضطر نطلع حاجات لاحنا عارفين تركيبها ولا تركيزات المواد اللى فيها علشان كده كان لازم ألاقى حل لغاية موصلت لعجينة هوجن إكسترا الخارقة ودى محتوياتها:
معلقتين بوريك أسيد - معلقتين سكر - معلقتين لبن بودرة -معلقتين دقيق
طريقة الإستعمال:
البودرة تخاطها بحتة سمنة مع ما مغلى لعمل العجينة
ودى مش هتكلفك 1.5 تقدر تطلعها من 3 إلى 6 يعنى مكاسبها مضاعفة ونتيجتها إنت هتكون ضامنها لإنك اللى عاملها
أنا مستنى الردود وياريت اللى عنده حاجة زى دى ياريت يعارفهالنا

أحمد سمير
10-16-2011, 12:05 PM
[QUOTE=MAHAMED80;57759]

احنا عندنا هنا :

حبوب الشمس والقمر : يعني نايت أند داي
تلابيس : يعني لبوس
كوتوفان أو الكبسولة الصفرا أم ربع جنيه : يعني كيتوفان ك
فرونسك : يعني فلورست
فونالجين : يعني أبلونج نوفالجين
نقط من اللي بتفور ( مش عارف ازاي ) للودان : يعني اوتوكالم
أي وجع في الاسنان : يعني مضمضه
مجموعة البرد : يعني any three diffrent colours
كبسولة انتيال : يعني انتينال كبسول
فيران لف أو فيري أو فير أند لف يو!! أو كيس كريم من أبو جنية : يعني كيس فير أند لفلي
المس اللي عامل زي اللبن : يعني كالاميل

حاجه تجنن ..... صح http://www.futurepharmacist.net/forum/images/smilies/marsa22.gif

أحمد سمير
10-16-2011, 12:06 PM
علبة فوار مرسوم عليها كوفيه -------- G.C MOL eff.
علبة أعشاب للاطفال ---------- بيبى درينك
بامبرز ------- بتتقال على أى نوع حفاضات يعنى مش شرط الإسم بعينه
حباية فلوموكس أو أموكسيل ------ أى حباية مضاد حيوى من أى نوع مش شرط الإسم بعينه
لبوس سخونية ---- دولفين

أحمد سمير
10-16-2011, 12:07 PM
حقنة سيفوتيكس أو الحقنة اللي بالسنتي = سيفوتاكس فيال
طبعا كورتاجين = كورتيجين أمبول
ندخل شوية في أدوية الجدول من اللي باسمعه من أشكال معينه :
تورومايدين = تراموندين
كونتريمال = كونترمال
ترامادول = ابتنيدول http://www.futurepharmacist.net/forum/images/smilies/icon_cheesygrin.gif
الترا = الترادول
جاك = تراما جاك
ولسه ياما هنسمع http://www.futurepharmacist.net/forum/images/smilies/engry1.gif

أحمد سمير
10-16-2011, 12:08 PM
لبوس السخونية ابو 2.5 ------ دولفن 12.5
ابو 3 جنيه ------------------- دولفن 25
ابو 1.5 --------------------- سيتال


لبوس كحة ابو 1.5 ----------- سيلجون
لبوس ابو 3 جنيه --------- ريكتوبلكسيل

أحمد سمير
10-16-2011, 12:08 PM
لا اله الا الله
محمد رسول الله

طيب سمعتوا دي....بودرة الكاوتش....بودرة تلك يعني....جالي مرة سائق وطلبها مني... لما ماعرفتش قالي معلش يا دكتورة شكلك لسة صوغيرة موش عارفةhttp://www.futurepharmacist.net/forum/images/smilies/smile.gif))))))))))))دي بنحطها علي كاوتش العربيه..
الفيسوداج... ( fisodage( هو السيدوفاج..
(((((

أحمد سمير
10-16-2011, 12:10 PM
باعورة = معزة صغيرة
تحاميل = لبوس
مزق فى الرجل = التواء او ورم بين لارجلين اغلب بيحصل للعيبة الكورة
فسافيس =حبوب صغيرة
الصفرة = البواسير

أحمد سمير
10-16-2011, 12:10 PM
حقنة القرد
هى حقنة منشطة جنسيا خليط من مجموعة فيتامينات
+
تستيرون والمثيبل عليها االسوستانون امبول

وقد يستخدمها من يلعبون رياضة حمل الأثقال لرفع الجسم وتربية العضلات

أحمد سمير
10-16-2011, 12:13 PM
حباية مسكن حمرا :هيه فوشيا بس مش مهم (بروفين 400)
G 5% 100ml= glucose


لما يدخلكواحد مدمن او شمام
ويقولك لو سمحت عاوز دواء كيتوفان

يبقى فى الحالة دى عاوز ------ كودافين

وانتظرونى فى مشاركة قادمة
مع اسماء مهمة جدا

أحمد سمير
10-16-2011, 12:26 PM
[QUOTE=dr.mht;163542]انا بقي عندي في الصيدلية
ياريت الناس بتقول اي حاجة من المصطلحات الي فاتت

كل واحد بيدخل يقولك

انا عايز حباية؟
بيقولك سيدي هاتله حباية من الي هو بياخدها
شريط برشام من بتاع ستي

وانت المفروض تكون عارف كل واحد في الحتة بياحد ايه بالضبط

ولو انا مش موجود محدش بيعرف يتعامل معاهم
بيستنوني علي ما باجي
----------------------------------------------

عايزة ازازة دوا كحة؟
من ام كام؟
مش فاكرة؟
الي طعمها مسكر!!
-----------------------------------------
واحدة تانية قالتلي وريني دوا الكحة الي عندك وانا اطلعهالك

أحمد سمير
10-16-2011, 12:26 PM
[QUOTE=zinnat250;163749]90%
من الحجات دي عدت علينا زي الفير اند لافلي اي حاجه فيها حروف ف ر ل بكام طبعا هيقول انه ب 0.75 عادي لانه ناصح وعاوز يوفر وهو فير اند لافلي بس ورهيولو هيطلع هو http://www.futurepharmacist.net/forum/images/smilies/clap.gif
الدوا ابو معلقه او ابو ريشه او اللي عليه بطه او ابو دبدوب عادي بنطلعه http://www.futurepharmacist.net/forum/images/smilies/thumbup.gif
الحبايه الخضرا وهي اساسا زرقا ده لان بعض البلاد بتقول علي الازرق اخضر عادي خالص او هو اخضر فعلا ريفو http://www.futurepharmacist.net/forum/images/smilies/af7a.gif
الدوا بتاعي عادي وماله كل يوم من ده http://www.futurepharmacist.net/forum/images/smilies/clap.gif
بودره الكاوتش و القطره الحاميه والبارده (اللي مش حاميهhttp://www.futurepharmacist.net/forum/images/smilies/af7a.gif) وقطره اللحام عادي نطلعها علي طول http://www.futurepharmacist.net/forum/images/smilies/clap.gif
صبح وليل النهار و شمس وقمر وماله عادي http://www.futurepharmacist.net/forum/images/smilies/icon_cheesygrin.gif
سريع فاصوليا ابو ربع سريع اسود (الكتابه اللي عليه)http://www.futurepharmacist.net/forum/images/smilies/af7a.gif
لكن واحده تدخل وتقول عاوزه تاشيته http://www.futurepharmacist.net/forum/images/smilies/frownn.gifوهتضربhttp://www.futurepharmacist.net/forum/images/smilies/hyhy.gif وتقول ازاي انتي مش عارفاها وتطلع لصقه الضهر http://www.futurepharmacist.net/forum/images/smilies/bf--.gif
او اللي يقول عاوز غله الصداع http://www.futurepharmacist.net/forum/images/smilies/engry1.gif
يقصد حبه = قرص الصداع وزعلان جدا ناقص يضرب ويقول ازاي ما تعرفيش يعني ايه غلايه http://www.futurepharmacist.net/forum/images/smilies/064.gif
الدهين = اي حاجه تُدهن زيت مرهم كريم او كريم شعر اويد مايضرش http://www.futurepharmacist.net/forum/images/smilies/bf--.gif
الدوا والدوا اللي معها وفاقوا انتو بقا http://www.futurepharmacist.net/forum/images/smilies/clap.gif

أحمد سمير
10-16-2011, 12:27 PM
وهاديكم خلاصة تجربتى انا كمان
كيتوفان بتاع الكحة بيقى قصدو كوديفان شراب او كوديلار ولو جبتله برونكو فين مش هايقولك لأ
علبة الفوار اللى عليها كوباية - اليوروسولفين
الفوار بتاعى الاسنان - الكاتافاست
افوار المسكن الغرغرة - الكاتافاست برضة
الفاصوليا - اى نوع اوبلونج
حفاضات سندباد - سيندريلا :d
علبة ال3لبوسات مهبلية - الجينوزول او اللى عليها وردة
تريزولين او اي حاجة اخيرها زولين - بريزولين
واقراص امكسيلين - اوكسيل واوعى تطلع اى حاجة غيرها لانه هايتهمك بالغباء
حباية سنترال - لوسترال
عين الكتكوت - انافرانيل
بركتا فيكتا اى حاجة تشبه- فيركتا

ومش فاكر حاجة تانى دلوقتى لما اقابل حاجة تانى ابقى اقولهاكم

أحمد سمير
10-16-2011, 12:29 PM
عندنا في الصيدلية الغجر لو سمعتو عنهم
عندنا بيقولو
اكياس ملح يعني الكا مصر اكياس
حباية للنشران يعني بروفين
للحيوانات بتاعهمhttp://www.futurepharmacist.net/forum/images/smilies/clap.gif
حقنة بنسلين وامبولين اول ما اشتغلت مكنتش اعرف ايه الامبولين وكانو يعدو يقولو امبول صغير والتاني كبيرانتي مش عارفة حاجة
طلعو ايه بقى
امبول ديكساميثازن وامبول مينوفيللينhttp://www.futurepharmacist.net/forum/images/smilies/icon_cheesygrin.gif



المشط الضيق = فلايه
اي حاجه صغيره =رخيصه
صدره بيشخلل =مسدود بالمخاط والافرازاتhttp://www.futurepharmacist.net/forum/images/smilies/marsa101.gif

أحمد سمير
10-16-2011, 12:29 PM
هذه الأدويه هى أدويه مخدره أنتشرت بين أوساط الشباب فأطلقوا عليها أسماء هلاميه مثل تلك الأسماء

http://img190.imageshack.us/img190/5349/hammockmanrelaxinglgclr.gif

يعنى مثلا :

* حبوب الصراصير

parkinol

http://img162.imageshack.us/img162/9702/image6wj.jpg


هى دواء الباركينول ودى حبوب تستخدم لعلاج الشلل الرعاش

ولكن الشباب الضال يستخدم هذه الحبوب فيخيل له أنه يرى الدنيا كلها على حسب مذاجه لأنها تصيبه بحاله من الهلوسه ( و برضه بتعمله دماغ )



* أبو صليبه

rivotril



هو حبوب الريفوتريل اللى بتستخدم أساسا لعلاج الصرع و سموها أبو صليبه ( قصدى المدمنين مش الشركه ) لأن القرص محفور عليه صليب



الفراوله

psychodal





هى حبوب السيكودال وسموها الفراوله لأن لونها أحمر زى الفراوله و الحبوب تلك تستخدم لعلاج بعض الأمراض النفسيه



* أبو زومبه

valium



وده الفاليوم ومش عارف صراحه سموه أبو زومبه ليه ... ؟؟؟ و الفاليوم منوم و مهدئ معروف ويستخدمه بعض الرياضيين


زبادي

Apetryl

البرشامة الخضرا (او الحمرا)

tramadol


كل هذة الأدوية تستخدم لعلاج بعض الأمراض
وللأسف بعض الصيادلة بيبعوها للشباب على انها ( مزاج ) وليست دواء

http://img706.imageshack.us/img706/5648/achenkrgnobgra8yg5.gif


وجارى لبحث عن صور للكبسولات دى
لو لقيت هارفقها تانى فى المشاركة

أحمد سمير
10-16-2011, 12:39 PM
دواء مرسوم عليه ديدان --------- الكاتركس شراب


دواء مرسوم عليه ورقة شجر -------- اوبتى كاف بان او الكيفبان شراب





قطرة اللحام


مثل البينوكس
او ال samulgin
او ال epifenac
أول ال dexatrol

ومن الممكن اى قطرة مسكنة يطلق عليها مثل هاك الاسم

أحمد سمير
10-16-2011, 12:40 PM
[QUOTE=د/ سحر;190269]
واحد دخل الصيدليه وبيقولى عايز1- المرهم الاخضر اللى عليه واحد بيجرى يبقى ايه ريباريل جيل2- بنوته دخلت تقولى انا عايزه ابو ظبى وفى الاخر طلع قصدها كابوزايد3- وداه داخل يقولك انا عايز الفوار اللى عليه السنبله وطلع بروكسيمول فوار وواحده تقولك انا عايزه4- الحبايه اللى على شكل قلب قصدها اقراص كونكور5- وطفله داخله تقولك انا عايز دوا للبح اقولها ياحبيبتى دى يعنى عندها ايه عندها بحه فى صوتها ولا ايه بالظبط والاخر طلع قصدها ايه بعد ماراحت ورجعتلى تانى بعد ماسالت مامتها طلع البح داه معناه البط وهى عايزه له شريط تتراسيكلين

no more
04-07-2012, 08:37 PM
موضوع متميز جدااا

جزاكم الله خيرا

drmoo
04-08-2012, 03:06 AM
مرة واحد دخل وقالى عايز دوا لمراتى ...هيه عندها آحة ....بس آحة ناشفة يادكتور


*
*
*
*
*

طبعا كان عندها كحة جافة


:frh--:

drmoo
04-08-2012, 03:09 AM
طفل دخل وكان عايز سفنجة 3 متر


*

*

*
:frh--:
*

طبعا كان قصده سرنجة 3سم

MSN
04-09-2012, 01:18 AM
موضوع جميل يادكتور ده الواحد بيعدي عليه درر :)
حقنة البرد "اي ديكلوفن مع أي ديكسا" واحيانا مع مضاد زي فلومكس بس العك ده احتياطاته كتير زي ضغط-قلب سكر...
برشام الزور " ستريم / سبتازول " أكبر عك
طبعا الحباية الزرقا-فيجا "فايركتا" والحمرا "اريك
قطرة الرايش "بينوكس " والحساسية "بريزولين"
مرهم عين يبقى "تيراميسين"
حباية بني وبيضا "نايت اند داي"

بمناسبة الدرر اللي بتعدي الواحد بيقولك واد دخل الصيدلية بيقول للصيدلي عايز علبة الدوا اللي امي بتاخده قاله اسمها ايه رد فوزية :D

تسلم الأيادي يادكترة :)

عاشقة الحرمين
08-12-2012, 01:08 AM
موضوع رائع بجد اكتر من ممتاز دكتور احمد:bf--::bf--::bf--::bf--::bf--:




انا حقيقى استفدت منه كتييييييييييير جدا
واتمنى حضرتك تكمله لانى بدات شغل فى صيدلية ومرت عليا حاجات من دى ومعرفتهاش :(
..................................
دى تركيبة جديدة لانج لسة عارفها وهيه تركيبة هوجن إكسترا الجبارة:

كتير يدخلك الصيدلية ويسألك على عجينة للصراصير ولما يسأل على سعرها يتخض ويمشى وبنضطر نطلع حاجات لاحنا عارفين تركيبها ولا تركيزات المواد اللى فيها علشان كده كان لازم ألاقى حل لغاية موصلت لعجينة هوجن إكسترا الخارقة ودى محتوياتها:
معلقتين بوريك أسيد - معلقتين سكر - معلقتين لبن بودرة -معلقتين دقيق
طريقة الإستعمال:
البودرة تخاطها بحتة سمنة مع ما مغلى لعمل العجينة
ودى مش هتكلفك 1.5 تقدر تطلعها من 3 إلى 6 يعنى مكاسبها مضاعفة ونتيجتها إنت هتكون ضامنها لإنك اللى عاملها

أنا مستنى الردود وياريت اللى عنده حاجة زى دى ياريت يعارفهالنا



[/QUOTE]

ان شاء الله هعملها يا دكتور
وربنا يستر :D:D




عين الكتكوت - انافرانيل

ومش فاكر حاجة تانى دلوقتى لما اقابل حاجة تانى ابقى اقولهاكم

انا فرانيل دا بتاع ايه يا دكتور ؟؟:confused:

عاشقة الحرمين
08-12-2012, 01:14 AM
قطرة اللحام


مثل البينوكس
او ال samulgin
او ال epifenac
أول ال dexatrol

ومن الممكن اى قطرة مسكنة يطلق عليها مثل هاك الاسم

الاسم دا مر عليا النهارده وبصراحة كنت اول مرة اسمعه ومعرفتهوش
وقلت للدكتور لقيته مطلع البينوكس :)
الانسان هيفضل طول عمره يتعلم ;)
.......................
موضوع جميل جدا جدا يا دكتور واضافلى الكثير
اتمنى حضرتك تكمله :):)

dramralaa
08-14-2012, 01:47 AM
حباية باي باي : باى الكوفان :)

drmoo
08-16-2012, 01:35 AM
الدوا ابو معلقة هو التوبلكسيل

الدوا اللي بالخوخ هو التوسكان

drmoo
08-16-2012, 01:51 AM
انا عايز حباية لونجا صفرة وبيضة....تبقي ايه؟






باي الكوفان


:ahl--:

مسيرها تروق وتحلي
08-16-2012, 01:52 AM
موضوع يدل علي أهمية العلوم الصيلانية في ممارسة المهنة وحسبنا الله ونعم الوكيل

أحمد سمير
08-19-2012, 11:25 PM
منورين ياجماعة
اهلا بيكم فى معجم المصطلحات الشعبية للادوية

لما ييجى حد يوقولك انا عاوز
سأسأة --- يقصد كلاميل لوثيون
والفوار اللى عليه كوباية --- يقصد اليوروسولفين
شريط الديدان ابو 3 حبايات هو الكاتركس
لكن ابو حبايتين فهو الالزنتال


هفضل متابع معاكم ان شاء الله

وكل سنة وانتم طيبين

dr_ahmed100
08-29-2012, 08:10 AM
والحباية البمبي ( بروفين )

د.ربا
08-29-2012, 12:57 PM
[QUOTE=د/ سحر;190269]
واحد دخل الصيدليه وبيقولى عايز1- المرهم الاخضر اللى عليه واحد بيجرى يبقى ايه ريباريل جيل2- بنوته دخلت تقولى انا عايزه ابو ظبى وفى الاخر طلع قصدها كابوزايد3- وداه داخل يقولك انا عايز الفوار اللى عليه السنبله وطلع بروكسيمول فوار وواحده تقولك انا عايزه4- الحبايه اللى على شكل قلب قصدها اقراص كونكور5- وطفله داخله تقولك انا عايز دوا للبح اقولها ياحبيبتى دى يعنى عندها ايه عندها بحه فى صوتها ولا ايه بالظبط والاخر طلع قصدها ايه بعد ماراحت ورجعتلى تانى بعد ماسالت مامتها طلع البح داه معناه البط وهى عايزه له شريط تتراسيكلين



:D:D:D:D:D

موضوع جميل

اهى حاجات تسلى الصيدلى برضه

druggo
10-06-2012, 04:00 PM
:Dطيب إيه رأيكم و إيه ردكم لمّا واحد يدخلك الصيدلية و يقولك : أنا عاوز دوا للكحة بس ما تتدنيش البديل !
هو لم يطلب دواء معين و طالب مشورتك و وصفك

druggo
10-06-2012, 04:06 PM
و واحد عاوز حقنة بالأستك ، و يسألك باستنكار هو فين الأستك ده ؟!.


حصل ذلك فعلا في أول ظهور الحقن البلاستيك ( غير الزجاجية التي كانت سائدة زمان )

أحمد سمير
10-15-2012, 10:56 PM
المرهم اللى عليه اسد
الفيوسدين
او الفيوثيثالميك

عاشقة الحرمين
10-15-2012, 11:03 PM
محتاجين ننشط الموضوع من تانى يا د/احمد بعد اذن حضرتك:)

أحمد سمير
10-15-2012, 11:47 PM
محتاجين ننشط الموضوع من تانى يا د/احمد بعد اذن حضرتك:)



ربنا ييسر ان شاء الله

لما بيكون فيه حاجة جديدة بحطها
تقصدى كده

ولا عاوزة نجيب القديم كمان

drmoo
10-16-2012, 02:25 AM
آخر حاجة

واحد جانى عايز فوار ( ايرانى )

قصده طبعا فوار ( رانى )

ياسمين السيد
10-17-2012, 12:13 AM
موضوع عثل يا دكتور

dr.centrum
10-18-2012, 10:29 PM
دى تركيبة جديدة لانج لسة عارفها وهيه تركيبة هوجن إكسترا الجبارة:
كتير يدخلك الصيدلية ويسألك على عجينة للصراصير ولما يسأل على سعرها يتخض ويمشى وبنضطر نطلع حاجات لاحنا عارفين تركيبها ولا تركيزات المواد اللى فيها علشان كده كان لازم ألاقى حل لغاية موصلت لعجينة هوجن إكسترا الخارقة ودى محتوياتها:
معلقتين بوريك أسيد - معلقتين سكر - معلقتين لبن بودرة -معلقتين دقيق
طريقة الإستعمال:
البودرة تخاطها بحتة سمنة مع ما مغلى لعمل العجينة
ودى مش هتكلفك 1.5 تقدر تطلعها من 3 إلى 6 يعنى مكاسبها مضاعفة ونتيجتها إنت هتكون ضامنها لإنك اللى عاملها
أنا مستنى الردود وياريت اللى عنده حاجة زى دى ياريت يعارفهالنا



فكرة ممتازة ومشروع مربح حد عنده المكان
هههههههههههه