مطلوب صيادله لقطر عاجل جدا

[دكتور مصطفى جلال]

الهدف من العنوان ليس الخداع ولكن عشان تشوفوا الصيادله اللى بيسافروا قطر على 3000 ريال وفيهم بدل السكن وشوفوا اعلانات المدرسين ازاى . شوفوا قد ايه الصيادله بقوا ميسووش تلاته تعريفه للاسف . 4000 ريال على 12 ساعه وعشر ساعات وبقت حاجه طبيعيه والاخ بتاع النهدى والدوا فرحان ان الاساسى بتاعه 3000 على 9 ساعات يافضيحه .والتالى اعلان مدرسينوشوفوا الفرق

[دكتور مصطفى جلال]

لكبرى المدارس بقطر تطلب للعمل فورا :-
1-مدرسين رياضيات تعليم اساسى خبرة لاتقل عن 3 سنوات
2-مدرسين رياضيات ثانوى خبرة لا تقل عن 3 سنوات
المميزات :-
الراتب 4800 ريال +مميزات اخرى تحدد فى المقابلة
ملحوظة:-
ترسل السيرة الذاتية بمسمى الوظيفة المطلوبة فى موعد اقصاة يومين من تاريخ النشر

[دكتور مصطفى جلال]

على فكره ده اقل اعلان لمدرسين ف قطر او السعوديه . هل احنا الصيادله مبقنيش نساوى تلاته تعريفه . شوفوا الطبيب بيسافر النهرضه على كام مش بقول الاخصائى لالالالالا . شوف الطبيب العام 8000 ريال على 8 ساعات وسكن عائلى مؤثث وتذاكر وتامين طبى ليه وللاسره . هل فيه تعليق ؟

[دكتور مصطفى جلال]

مطلوب التخصصات الطبية الاتية لمستوصف بجدة

أخصائي باطني الراتب من 12,000 الى 14,000 ريال

أخصائي أطفال الراتب 12,000 ريال

أخصائي أشعة الراتب 12,000 الى 14000 ريال
أخصائية تحاليل الراتب10,000 ريال

طبيب عام الراتب من 6,000 الى 8,000 ريال

بدل سكن 20,000 ريال

أجازة شهر مدفوعة الراتب

تذكرة سفر للطبيب فقط

رسوم التأمين الطبي و الاقامة و ترخيص الهيئة السعودية و تأشيرات السفر يتحملها المستوصف

ترسل السير الذاتيه علي الايميل التالي
Samar.wa78@yahoo.com
برجاء كتابه التخصص في الموضوع لسهوله عمليه الفرز

[دكتور مصطفى جلال]

الصيادله فين ؟ انا واحد ف مكتب كلمنى قالى على عقد 3500 ريال على 12 ساعه وكمان منهم جمعتين وسكن اعزب ونسبه 1 ف المئه بعد 100 الف . شتمته ف التليفون وقفلت السكه ف وشه يعنى الاساسى مكملش الف ريال على 8 ساعات . هو ده حال الصيا\دله الان للاسف . خريجين جدد هبل ومش لوحدهم كلنا هبل ومجانين

[Fevadol tab]

اقتباس المشاركة الأصلية كتبت بواسطة دكتور مصطفى جلال الصيادله فين ؟ انا واحد ف مكتب كلمنى قالى على عقد 3500 ريال على 12 ساعه وكمان منهم جمعتين وسكن اعزب ونسبه 1 ف المئه بعد 100 الف . شتمته ف التليفون وقفلت السكه ف وشه يعنى الاساسى مكملش الف ريال على 8 ساعات . هو ده حال الصيا\دله الان للاسف . خريجين جدد هبل ومش لوحدهم كلنا هبل ومجانين

انا عملت موضوع زى ده قبل كده يا دكتور مصطفى ولكن لا حياة لمن تنادى ............

عايز اعرف فين المشكلة لو الصيادلة قعدوا سنتين بس ميسافروش هيحصلهم ايه هنموت من الجوع يعنى ؛ بالطبع لأه................

بالعكس ستتحسن العقود وسيعرفوا ان الصيدلية لا تعمل الا بصيدلى

[دكتور مصطفى جلال]

انا لاقيت عقد لمدرس فيزياء لقطر ب7000 ريال قطرى على 8 ساعات . المهندس خريج 2010 بياخد فالسعوديه 7000 ريال 8 ساعات شغل ومش عاجبهم . الناس كلها بقت يتضحك علينا وصيادله النهدى فرحانين ب 7000 ريال شهريا بدوام 12 ساعه يوميا واربع جمع شهريا كلها 12 ساعه . والاساسى بتاعهم 3000 ريال على 8 ساعات يافضيحه وبيقولولك الوضع اتحسن . وبد سكت كتير يقلك 6000 ريال يعنى تسكن مع عمال . للاسف حتى الصيادله هناك بيجمعوا مع بعض ويقعدوا خمسه ف غرقه والله العظيم قمه الاهانه لناس المفروض انهم دكاتره بقينا اقل من العمال مع احترامى للعمال . المكاتبي تقلك 500 ريال بدل سكن شهرى حجاه قله ادب ومسخره وسفاله عاجبكو الوضع . اقسم بالله العلى العظيم هييجى يوم قريب جدا هتلاقوا العقود 1200 ريال على 10 ساعات وبكره تشوفوا وكنتير هيسافروا مننا للاسف .

[mohammadelsekhary]

والله شئ محزن ومؤسف

[ssmso]

احييك يا دكتور على غيرتك على المهنه وليتنا نفوق وتصحو كرامتنا ونقوم بثورة على من يستغلونا فى مهنتنا فساعتها سناخذ احسن الرواتب لان اصحاب المجموعات والصيدليات يربحو الملايين من جهدنا ويبخلو علينا بالفتان مع الذل والمهانه والاحساس بالتفضل علينا ونحن ما جلعنا لهم المجموعات بتعبنا بعد فضل الله اللهم حقق لنا ما نصبو اليه وردنا اليك واخلص النوايا يا الله

[arcalion]

عقود الصيادله بقت ف النااااااااااازل ومعامله النهدي بقت ف النااااااااازل ومازال مسلسل تهافت الناس عليها

[sherif89]

قلنا قبل كده ان احنا اشترينا الترماي بدخول كليه الصيدله

[صيدلي حر1]

يارب اصلح لنا حالنا واصلح لنا نقابتنا

[دكتور مصطفى جلال]

موضوع مه جدا جدا

[kekokak]

انا بقالى سنتين فى مصر ومش هسافر تانى الا على عقد ادمى وبس

[دكتور مصطفى جلال]

للعمل في احدي المراكز الطبية الكبري في الرياض يرجي ارسال السيرة الذاتية باللغة العربية علي اميل الشركة هام جدا كتابة المهنة المتقدم اليها في عنوان الاميل مطلوب فوراً للعمل في احدي المراكز الطبية الكبري في الرياض مدير تسويق خبرة 5 سنوات الراتب الاساسي 6000 ريال سعودي سيتم تأمين السكن والمواصلات من قبل الشركة مناديب مبيعات خبرة سنتين الراتب الاساسي 3500 ريال سعودي سيتم تأمين السكن والمواصلات من قبل الشركة طبيب/ طبيبة أسنان عامة خبرة سنتين الراتب الاساسي 6000 ريال سعودي سيتم تأمين السكن والمواصلات من قبل الشركة طبيب/ طبيبة تركيبات أسنان خبرة سنتين الراتب الاساسي 6000 ريال سعودي سيتم تأمين السكن والمواصلات من قبل الشركة ممرضات أسنان خبرة سنتين الراتب الاساسي 4000 ريال سعودي سيتم تأمين السكن والمواصلات من قبل الشركة أخصائيين تسويق أدوات جراحية خبرة سنتين الراتب الاساسي 4000 ريال سعودي سيتم تأمين السكن والمواصلات من قبل الشركة يرجي ارسال السيرة الذاتية باللغة العربية علي اميل الشركة هام جدا كتابة المهنة المتقدم اليها في عنوان الاميل السفرلحاملي

[newdoctor]

السلام عليكم يا دكتور .الوضع بجد بقي مهين جدا وسفر الصيادله مش علشان دخله مش مكفيه لا السبب انه سمع من اللى قبله انه لما يخلص جيشه جرى على اى مكتب سفريات وعلى بره باى راتب مش مهم قوى كام المهم انه يسافر .السفر عرض وطلب احنا كتير الكل عايز يسافر وصاحب العمل له الاقل راتب .هى ظروف وضغوط وش هتقدر تسيطر عليها ؟الحل فى النقابه اللى احنا لما خلصنا ماتعرفشى تتحرك الا بالكرنيه بتاعها .كله ارزاق .المهم انها المفروض هى اللى تحدد المبلغ اللى يسافر عليه الصيدلى ويعم تاخد فلوس من الصيادله اهو كله رايحلهم وشرط العقد يوثق لازم يوثق من النقابه .دا راى وبجد انا سعات كتير بندم انى دخلت الكليه ده .لاز نشوف حل فى اللى احنا فيه ده

[Copacabana]

هو اكيد ياجماعة فى مشكلة فى المهنة نفسها قبل ان تكون مشكلة ممتهنيها ....احنا لانمارس دور مهنى يزيد من قيمتنا .....وهو ده سبب انحطاط قيمة رواتبنا وطالما ان هذا الامر يظل كما هو تظل الرواتب كما هى ...

[sherif89]

هو طبعا دور الصيدلي مش كامل ومش مؤثر
لكن عندنا طبيب الاشعه والتحليل
اضعف دورا يكاد يكون الفني يقوم بكامل دورهم
ومع ذلك عقودهم في السما
المشكله في الصيادله انفسهم

[no_way31]

لاننا معندناش مهنيه
بمعنى ان اللى درس زى اللى مدرسش بالنسبه لسوق العمل وبالتالى مفيش تميز
الكل معاه الشهاده وكل يقدر يبيبع

[Analyste]

نداء هاااام لكل السادة الصيادلة ..
مكانك مش في الصيدليه تبيع وتوصف طريقة استخدام ..مكانك في مصنع الدواء ..مكانك في ابحاث النباتات الطبية ..مكانك في تحليل الدواء ..مكانك في متابعة الاثار الجانبية للدواء ..
من الاخر ..انت مكانك في صنع تقدم حالة المريض بالدواء وليس في مص دم المريض عشان تشفت وتعيش منغنغ ..
الطمع والانتخة والفهلوة وقبل كل شيئ احوال البلد هما اللي خلونا اي حد يحل محلنا لاننا باختصار ..
قاعدين بره بيتنا .