اعلانات المنتدى

Google
البحث في شبكة الإنترنت البحث في الموقع
العودة   صيدلي المستقبل > مجالات عمل الصيدلي > الصيدليات العامة

إضافة رد
 
أدوات الموضوع انواع عرض الموضوع
قديم 10-20-2011, 07:36 AM   #1
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي التدريب فى الصيدليات


التدريب فى الصيدليات


كتب الموضوع


د.محمد عبد الحميد

سبتمبر 2007



من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:37 AM   #2
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


بسم الله الرحمن الرحيم


التدريب فى الصيدليات



*اساسيات هامه للصيادله حديثى التخرج للتدريب فى الصيدليات

1-العلم التام بان التعامل مع الدواء يجب ان يكون فى اطار من الحرص والاتقان لاننا نتعامل مع اهم واغلى ما يملكه الانسان الا وهو الصحه

2- الاجاده فى الفارماكولوجى والميكروبيولوجى اثناء الدراسه يعتبر المفتاح الذهبى للاتقان فى التدريب بالصيدليه

3- يعتبر قسم الاقراص اكبر واشمل قسم فى الصيدليه , من يلم بها جيدا فقد نجح بنسبه 75% فى التدريب فى الصيدليه ولذا انصح بالبدء به

4- عدد كبير من الاسماء التجاريه للدواء تدل على استخداماته وهذا يتكرر كثير ولكنه ليس شرطا فهناك ايضا اسما ادويه ليس لها علاقه باستخدامها

5- اكثر ما يجب الاهتمام به وتدوينه هو الاسم التجارى والماده الفعاله والاستخدام, لا تشغل نفسك بالسعر والشركه فذلك ليس مجاله الان

6- التدقيق على الماده الفعاله يقطع بك نصف الطريق لان كثير من الادويه تختلف فى الاسماء التجاريه ولكنها تشترك فى الماده الفعاله

7- اتبع سياسه الكيف لا الكم بمعنى خذ وقتك للالمام التام بالدواء فما تتقنه من اول مره صعب ان تنساه مستقبلا

8- لا تقلق من كثره الادويه واختلاف اشكالها ,فصعود السلم يبدا من اول درجه ,لا تهاب الموقف فانت لها

9-اجعل نفسك مليئه بروح التنافس والعزيمه القويه لتبقى الافضل دائما فما احلى الشعور بانك متميز فى مجالك ومهنتك وهذا يتطلب جهد منك

10 اجعل هدفك الاسمى مستقبلا رسم الابتسامه على وجه المريض وهذا لن ياتى الابتفوقك فى مهنتك وهى من اروع واجمل المهن

يتبع ان شاء الله



من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:38 AM   #3
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


تابع التدريب فى الصيدليه



1- ابدأ بتقسيم الدواء الى الاقراص والاشربه والاقماع والامبولات والمراهم والكريمات والقطرات والفوارات تقسيم مبدئيا لتصبح الامور متضحه اولا لك بصفه عامه

2- ابدأ بقسم الاقراص حسب التدريب الابجدى ,ولا تكلف نفسك فوق طاقتك واحرص على الثلاث نقاط (الاسم التجارى –اسم الماده الفعاله- الاستخدام)

3- ضع لنفسك جدول زمنى تنتهى فيه من كل قسم وبما اننا بدأنا بالاقراص فلنحسب عدد الارفف التى تمثل الاقراص فى الصيدليه ونحدد مدى طاقتنا واستيعابنا اليومى ولنفترض ان طاقتنا هى عدد اتنين رف يوميا (يعنى لو الصيدليه كبيره شويه ومليانه الله اكبر) ولدينا قسم الاقراص يحتل 40 رف

*هذا يعنى ان قسم الاقراص سوف يستغرق منا 20 يوم للالمام به وممكن تخليها (3 اسابيع عشان خاطرى ) تخيل قسم الاقراص وهو من اكبر اقسام الصيدليه سوف يستغرق منك 3 اسابيع (خير ان شاء الله)

4- احرص فى بدايه كل يوم جديد على مراجعه ما سبق لك فى اليوم السابق وذلك عن طريق النظر والاختيار العشوائى وحاول تتذكر الاستخدام مثلا (متقلقش هتلاقى نفسك مش فاكر حاجه فى الاول) ده طبيعى جدا فى اول المشوار ,لا تياس استمر وسوف تصل بفضل من الله

يتبع ان شاء الله



من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:46 AM   #4
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


بعض الأسئله الهامه
والردود عليها

سؤال
ايه اهمية الميكرو بيولوجى غير فى المضادات الحيوية

الرد

اهميه دراسه ماده الميكرو بيولوجى بالاضافه لما تفضلتى وذكرتيه يا د0 مروه هو احتوائها على العديد من الامراض المتسببه بها بعض microorganisms and viruses (على اساس حتوائها على كلا من الميكروبيولوجى والفيرولوجى تحت مسمى واحد(بالتالى ارتباطها بالواقع العملى فى الصيدليه عند تعامله مع المرضى وتفهمه الجيد للمرض وبالتالى لمحتوى النشرات الداخليه للادويه من دواعى استعمال الدواء وكيفيه الاستطباب به




من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:48 AM   #5
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال

ما أفضل طريقة ممكن نساعد بها طالب صيدلة ينزل الصيدلية للمرة الأولى للتدريب؟

الرد

بالاضافه لما تم ذكره فى المشاركات السابقه من ارشادات توجيهيه ,يعتبر توضيح هدف المهنه الانسانى من اكثر الدوافع المشجعه والمحفزه للمتدرب الجديد لازاله ما قد علق بالمهنه من شوائب ساهم فيها المنتسبون للمهنه من غير الصيادله وللاسف بعض الصيادله وهيا نقطه هامه فى اول الطريق بالنسبه لطالب الصيدله والمنضم حديثا الى عالم الصيدله


التعديل المطلوب فى حاله كونه طالبا لم يتعدى السنه الدراسيه الاولى او الثانيه هيا الاكتفاء بمعرفه اسم الدواء واستخدامه فقط بدون الالتزام بمعرفه اسم الماده الفعاله الان او البدائل الى ان يتم دراستها بالكليه


مع الحرص الدائم على ازاله الرهبه من نفسه والملاحظ شكوى كل المتدربين الجدد منها وهى ظاهره صحيه ان احسننا استغلالها فى الموازنه بين جعله يدرك مدى المسئوليه الملقاه على عاتقه مستقبلا فيما يختص بصحه المريض وبين زوال الخوف والقلق بعد فتره من التدريب والتعود والتمكن من الالمام التام بالدواء بالصيدليه

وما التوفيق الا من عند الله














من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:50 AM   #6
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال


السلام عليكم ورحمة الله وبركاته


موضوع مهم جدا ومفيد جدا جدا يا د. محمد زي عودتنا دايما .
لان التدريب ده بجد من اهم الحاجات اللي تهم طالب الصيدلة يمكن اكتر من الدراسة نفسها كمان ولان اللي بيتدرب كويس بيستريح جدا في الشغل وبيكون صيدلي شاطر وناجح جدا بعد كده .

وانا متفقة مع حضرتك في كل اللي قلته الا في نقطة واحدة بصراحة وهيا ان اللي بيتدرب ياخد رفين في اليوم بصراحة انا شايفة ان كده كتير اوي انا كنت بعمل نص رف في اليوم ومع ذلك كان بيقع مني ادوية كتير كنت بنساها فانا شايفة ان اقصى حاجة يعملها الي بيتدرب انه ياخد بالكتير رف في اليوم عشان يقدر يستوعب الادوية اللي خادها كلها لان زي ما حضرتك قلت الاهم الكيف لا الكم .

وبالنسبة لسؤال د. غالية فانا عن نفسي لاني كنت بتدرب لغاية الاسبوع اللي فات فشايفة ان الدكتور لو عايز بجد يساعد الطالب اللي بيتدرب عنده انه اول حاجة يحاول دايما يتابعه ويشوفه بيعمل ايه وكل يوم بسأله في اللي هوا عمله امبارح سؤال عشوائي في الاصناف اللي عملها من غير ما يحرجه لو معرفش بس عشان يحسسه بجدية الموضوع ويخليه يحفظ الادوية ويثبتها في دماغه بالسؤال .

كمان انه ممكن لو دوا معين فيه عنه معلومات مهمة زي مثلا انه ممنوع منعا باتا في الحمل او انه احسن دوا يطلع في حالة معينة وكده يعني فياريت يقوله ويتناقش معاه عن الموضوع ده ولو خد في اليوم دوا او اتنين بالنظام ده الموضوع ده هيخلي الطالب عمره ما ينسى الموضوع ده ابدا ولا الدوا ده بالذات .

كمان طبعا الدكتور لازم يخلي الطالب اللي بيتدرب عنده يشوف الروشتات اللي بتيجي ويقراها معاه ويشرحله اللي في الروشتة واستخدامتها وليه الدكتور كتب كل صنف وخصوصا لو كان طالب تالتة او رابعة وبعد شهر تقريبا من قراية الروشتات معاه يسيبه يقرا الروشتة ويطلعها لوحده ويكتب للمريض على الادوية ويحاسبه كمان عشان يديله ثقة في نفسه .

وطبعا اي تركيبات بيعملها الدكتور لازم ياخد الطالب معاه المعمل يساعده ويعرفه التركيبة بتتعمل ازاي ويفهمه اهمية كل حاجة في التركيبة دي .

كل ده طبعا غير الكلام المهم جدا اللي قاله د. محمد في الاول واهميته انه فعلا بيحفز الطالب في الاول ويديله حماس ويخليه مقبل على التدريب والشغل وحاسس ان ليه قيمة لان الطاللب اللي بينزل يتدرب في البداية بيبقى مش حابب الموضوع قوي وحاسس انه بيروح يقرا ويحفظ ويرجع ينسى كل حاجة فممكن يجيله احباط في الاول ويحس ان اللي بيعمله ده كله مالوش لازمة .

انا بقول كل ده لاني كان نفسي يتعمل معايا كدهوانا بتدرب بس للأسف ملقتش الدكتور اللي يعمل معايا كده فللأسف ما اتدربتش كويس وده خلاني اتدرب بعد ما خلصت الباكلوريوس لمدة 3 شهور ولسه يادوب ماسكة شغل من اسبوع واحد .

معلش طولت عليكم .
جزاك الله كل خير يا دكتور محمد على فتح الموضوع ده ويارب ينتفع بيه كل الطلبة .


الرد

وفعلا مشاركه فى غايه الاهميه لانها تناولت وجهه نظر المتدرب تجاه الصيدلى والصيدليه واحتياجاته الفعليه بناء على تجربه واقعيه

بالنسبه لعدد الارفف المفترض من المتدرب مراجعتها يوميا فهى عمليه نسبيه تختلف من صيدليه الى صيدليه حسب حجمها وكم وعدد الدواء بها ويمكن انا صيدليتى صغيره حبيتين علشان كده قلت رفين مره واحده بقلب جامد


بالنسبه لارشاد الصيدلى فى الصيدليه للمتدرب فى النقاط التى تفضلتى بذكرها فهو امر فى غايه الاهميه وهو ما يسمى بنقل الخبرات وهى عمليه مرحليه وتعتمد اعتمادا كليا على تجاوب المتدرب ونشاطه بالاضافه الى الاستفسار المستمر من المتدرب للصيدلى عن كل ماقد يبدو غامضا فى الدواء


شكرا لكى د0 اسراء على تلك المشاركه الهامه جدا والتى القت بالضوء على دور الصيدلى وكيفيه اهتمامه بالمتدرب ومعاونته

فى انتظار المزيد دوما





من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:53 AM   #7
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال
انا سمعت عن كتاب اسمه Bnf
british national fomulary
الكتاب ده مهم؟
لو حد يعرف سعره كام ممكن يقول؟
عايزه اعرف من حد عنده الكتاب ده هو بتكلم عن ايه؟
ازاى ممكن استفيد بيه؟




الرد

يعتبر كتاب ال BNF من اهم الكتب الصيدلانيه التى تحتوى على كم هائل من المعلومات الدوائيه بناء على اسماء موادها الفعاله


وسعر النسخه المصوره منه والمتداوله فى مكتاب كليات الطب والصيدله يتراوح مابين 50 و 60 جنيه


ويعتمد المامك لمحتوى الكتاب على دراستك لماده الفارماكولوجى واجادتك لها


وهو خير مرجع دوائى لاى صيدلى عند الاستفسار عن اى شق يخص الدواء من حيث مكوناته واثاره الجانبيه وتداخلاته مع الادويه الاخرى وبالطبع استخداماته


ويمكنك الحصول على نسخه منه عن طريق هذا الرابط

http://hyperupload.com/download/02196e4213/BNF50.rar.html


فى رعايه الله وحفظه







من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:55 AM   #8
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال

انا يمكن نزلت اتدربت فىالصيدلة من بعد اعدادى
لكن
الدكتور مكنش بيعلمنى حاجة خالص
بيسبنى فى الصيدلية وانا مع نفسى
هو محترم معايا جدا وبيعاملنى على ان الصيدلية بتاعتى واعمل اللى انا عاوزه
بس مش بيعلمنى حاجة
كل اللى نا استفده خلال الفترة دى انى كنت بدور علىاسم الدوا اللى بيقولى عليه
وتقريبا الاستفادة واحد فى المية اللى انا خدتها
فهل دلوقتى انا ممكن استفيد من الصيدلية دى خصوصا ان فيها الحمد لله معدل البيع عالى وصيدلية مشهورة
ولا اسيبها خالص واشوف صيدلية تانية اكون الدكتور اللى فيها معرفه ويقدر يدربنى
ارجو النصيحة

الرد
بالنسبه لاستفسارك فاجد من الافضل محاوله الاستفسار دوما من الصيدلى بالصيدليه التى تتدرب بها عن اى تساؤل لديك فربما كان سبب عدم تجاوبه معك هو عدم سؤالك له عن اى معلومه وانتظارك له ليبدأ هو فى امدادك بالمعلومات فربما اعتبر صمتك هو عدم حاجتك فى تلك المرحله لاى معلومات واكتفائك بالتدريب اليومى


نصيحه عند وجود اى استفسار لديك يمكنك كتابتها كلها فى ورقه وتجميعها وفى نهايه اليوم وبعد انتهائك من الجزء المخصص لك يوميا من التدريب يمكنك طرح تلك الاسئله عليه وسوف تجد كل التعاون المرجو منه ان شاء الله


وكما ذكرت فهى صيدليه مشهوره وبالتالى استفادتك من التدريب بها تصبح اكبر بمرور الوقت للتعرض مستقبلا للعديد من الروشتات المختلفه والاصناف الجديده فى عالم الدواء



كما يمكنك طرح اى استفسار لديك هنا ويسعدنا الاجابه عليه بأذن الله











من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 07:58 AM   #9
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال



هل ساستفيد من التدريب في الصيدلية
في فترة اجازة نصف السنة

علما باني مازلت في الفرقة الثانية ؟؟

الرد


بالنسبه لنزولك الصيدليه فى تلك الفتره فهى هامه جدا لرسم صوره عامه مبدأيه عن الصيدليه ومحتواها

1-توزيع الدواء وترتيبه داخلها ,


2- كيفيه تعامل الصيدلى مع المرضى فى وصف الotc

3-كيفيه استلام الطلبيات وجردها ورصها

4-الشركات التى تتعامل معها الصيدليه


5-كيفيه صرف الروشتات وماهى اكثر الادويه المتداوله وما هى الادويه الممنوعه

6-كيفيه التعامل فى المواقف المختلفه التى يتعرض لها الصيدلى فى صيدليته سواء كانت اداريه او علميه

7- جعلك اكثر تكيفا وتفهما لواقع المهنه اثناء سنوات دراستك التاليه ومدى استفادتك مما تدرسيه بالكليه

ليس المقصود بهذا الالمام بكل تلك الامور كافه فى فتره اجازه نصف السنه

ولكن مجرد رسم تصور عام وتغيير مفاهيم سابقه عن المهنه ومن ثم يبدأ المزيد من التخصص فى التدريب بمرور الوقت

هى خطوه فى غايه الاهميه لكسر جدار الرهبه فى نفس المتدرب من التواجد فى الصيدليه وعدم معرفته بالعديد من الامور بداخلها

اقدمى عليها وبالتوفيق ان شاء الله

ونتابع معك هنا خطوات تدريبك ويومياته باذن الله


فى رعايه الله وحفظه








من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 08:00 AM   #10
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال



هل يكون مطلوب
الطالب في تانية حديث
انة يصرف بنفسة الروشتة اثناء التدريب ام مجرد حفظ اسماء الادوية
وهل يكون هناك تعامل مباشر مع المرضي


الرد


ليس مطلوب من طالب السنه الثانيه التعامل مع المريض مباشره او صرف روشته ولكن المطلوب تكوين صوره عامه عن كيفيه صرف الروشته فى وجود الصيدلى الخبير

بمعنى اكثر ايضاحا معرفه اساسياتها من معرفه تخصص الطبيب وعمر وجنس المريض والتنوع بين اشكال الدواء الصيدلانيه لتفادى التداخل الدوائى واثره السلبى


وهكذا ايضا المطلوب معرفه كيفيه التعامل مباشره مع المريض من المواقف المختلفه التى يتعرض لها الصيدلى فى الصيدليه التى يتدرب بها

تكوين تلك الصوره العامه فى اول الامر يفيد كثيرا فى تخطى حواجز قد تتواجد فى حال عدم الحرص عليها عند بدايه نزوله الصيدليه

فى حال كون فتره تدريبه فى الاجازه الصيفيه فيفضل بدء معرفه اسماء الادويه واستخداماتها بدون التعرض لموادها الفعاله حتى بدء دراستها بالكليه


وبالتوفيق ان شاء الله








من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 08:01 AM   #11
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي



سؤال


كنت عايز أعرف
ازاي أدخل للدكتور
واقوله عايز ادرب عندك

الرد
فى الغالب يتوجه طلبه الصيدله او حديثى التخرج الى احدى الصيدليات فى المنطقه المقيم بها والتى كثيرا ما يتعامل معها وله علاقه جيده بالصيدلى صاحب الصيدليه وهناك من يتوجه الى مقر النقابه الفرعيه فى محافظته لمعرفه الصيدليات المتاح بها امكانيه تدريب الصيادله ,كما يمكن الاتصال بنقيب الصيادله ومقابلته لارشادك الى صيدليه محدده

فى رعايه الله وحفظه






من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 08:03 AM   #12
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال




حضرتك تنصحنا نعمل ايه في التصرفات المستفذة بتاعة ال assistants

من خطف الروشتات


والاسئلة اللي هدفها كانهم بيمتحنو اللي بيتدرب مش بيسالوه عشان يعرفو

وتصرفات غيرها كتير اعتقد الكل عارفها ؟؟؟؟

الرد
فى النهايه دوما لايصح الا الصحيح

والصح هنا ان العامل بالصيدليه له دور محدد لا يتخطاه من ترتيب وتنظيف ومناوله وامور اخرى لا علاقه لها بالتعامل مباشره مع المريض فيما يخص الدواء ( وطبعا فيه صيدليات كتير اوى بيحصل فيها عكس كده للاسف) لكن احنا هنا بنتكلم عن الصح والمفروض واللى بيحصل برده فى صيدليات فيها صيادله بيغيروا على مهنتهم ويحافظوا على اصول ممارستها


اذا كان المواقف اللى بتتعرض لها فى صيدليه محدده ومش بيتابعها صاحبها فانصحك بالبحث عن صيدليه يديرها صيدلى بالفعل مش بالاسم ويمكنك استشارته فى اى شىء اثناء تدريبك او يوجد بها صيدلى ثانى متمرس وبها مساعدين عارفين حدود شغلهم بالضبط

كما يمكنك لفت نظر الصيدلى المسئول اللى انت فيها حاليا للى بيحصل ده وشوف رد فعله

فى رعايه الله وحفظه










من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 08:05 AM   #13
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال



على فكرة يا جماعه الى بيحصل عكس كدة خالص

انا بشتغل مساعدة صيدلى في صيدليه و شايفه ان الصيدله هم الى بيستفزوا المساعدين

وكمان موش عايزين يعلموا المساعدين اى حاجه رغم ان كثير منهم خبرتهم قليله


وخد عندك الموقف ده
لازم تناديها بدكتوره وهى تناديك باسمك
يعنى انا شايفه لو هنتعامل رسمى في الصيدليه يبقي تناديك بلقب كليتك

تجى تسالها سوال تجوبك بالانجليزى




الرد

كما بدات مشاركتى السابقه

سأبدأ بها هنا


فى النهايه دوما لا يصح الا الصحيح

وان حدنا عن الصواب فسوف تختلط الامور وتتداخل المعايير

فهل من الصواب ان يتعامل مع الدواء وصرفه شخص اخر غير الصيدلى والا فما الداعى الى الالتحاق بكليه الصيدله والدراسه بها لمده خمس سنوات متتاليه

ان كان الامر بتلك السهوله واليسر لكان من الافضل ان يتاح لغير الصيادله بفتح صيدليات والتعامل مباشره مع المريض

ولكن هذا لم يحدث لان لكل دراسه مجال لممارستها

اما ان كان هذا يحدث فى بعض الصيدليات من تعامل غير الصيدلى مع الدواء والمريض فتلك استثناءات لا يصح ان نضعها معيار للحكم على امر ما من حيث كونه صواب ام خطا وتداعياته

فالامر من بدايته خطأ من اتاحه الصيادله الفرصه لغير دارسى مهنه الصيدله بالتعامل مع الدواء والمريض

فهل لو توجهت الى عياده للكشف ووجدت الممرض يحل محل الطبيب هل يستقيم الامر

او وجدت خريج التجاره يترافع فى ساحه القضاء هل هذا يصح

ليس هذا تقليلا من شأن اى مهنه ولكن لكل مهنه مستحقيها

واذا كنتى فى الاساس غير صيدلى فليس من حقك المطالبه بحقوق الصيدلى من اكتساب الخبره وماشابه من تعامل فى الدواء بمكوناته وتفاعلاته واعراضه الجانبيه وجرعاته المحدده وتداخلاته مع الادويه الاخرى

بل الافضل البحث عما يناسب تخصصك والعمل فيه

فرق ما بين انى اعشق مهنه ما وانى احاول ممارستها بدون علم او دراسه وتخيل ان الامر مجرد اكتساب خبره

وللاسف من ساهم فى تلك المشكله بعض الصيادله انفسهم باتباعهم هذا الاسلوب فى اداره صيدلياتهم ومنها تزايدت سلبيات المهنه ومشاكلها

وفى النهايه ليس الامر انتقاصا من حقك ولكن لكل شىء اصول

وتلك اصول مهنتنا





من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 08:08 AM   #14
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


سؤال

الكلام ده جميل
بس مش ده اللى بيحصل فى الحقيقة
لان الدكتوراللى كنت هتدرب معاه قاللى انا مش فاضيلك
وفيما معناه انه مش شغال عندى علشان يقعد يعلمنى واحدة واحدة
الرد



أريد فقط أن أوضح لكِ أن ما حدث معكِ من أحد الصيادلة لا يمكن أن نعممه .. أو أن نقول أن هذا هو حال أكثر الصيادلة مع المتدربين لديهم ..

بالفعل هناك صيادلة ليست لديهم المهارة الكافية لتدريب غيرهم .. بل رما لا يتمتعون أصلاً بما يسمى حب العطاء .. و بالتالي تجدين هذا النوع لن يفيدكِ في شيء .. هذا إن لم يحبطكِ أصلاً منذ البداية ..


لكن هناك أيضاً صيادلة كثيرين جدا لديهم الرغبة الحقيقية في تعليم غيرهم و إكسابهم المزيد من المعرفة و الثقافة و الخبرة ؛ لاسيما حديثي التخرج ..

و لقد قابلت في حياتي مجموعة كبيرة من هؤلاء و لله الحمد ...

إذن فعليكِ أن تبحثي عن صيدلية تعمل جيداً و عن صيدلي متمرس لا يبخل بخبرته على من هم أقل منه خبرة ..

بالتوفيق لكِ و للجميع بإذن الله





من مواضيع sunny1 في المنتدى :
sunny1 غير متواجد حالياً   رد مع اقتباس
قديم 10-20-2011, 08:10 AM   #15
sunny1
صيدلي ذهبي


 رقم العضوية: 8
 تاريخ التسجيل: Sep 2011
 المشاركات: 2,429
 معدل المشاركات يومياً: 2.16
 

الجنس: Female

علم الدولة: Canada
راقي بأخلاقي


صفحتنا على الفيس بوك

افتراضي


الاسف انا اتخرجت دلوقتى
دفعة 2007
بس حصلت ظروف و لسة متدربتش فى الصيدلية

و لما امكن دخلت صيدلية و الدكتورة مرتباها بالشركات اعمل اية

الرد

بالنسبه لما ذكرتيه يا دكتوره

فيمكنك التعامل مع كل شركه كنموذج مصغر للترتيب المفترض للدواء


كل صاحب صيدليه يحرص على رص الدواء فى صيدليته بالطريقه التى يرتاح لها والايسر فى تداول الدواء من وجهه نظره او كما مر بها سابقا فى الصيدليه التى عمل بها او تدرب بها

منهم من يحرص على الترتيب الابجدى مع التصنيف حسب الdosage forms ومنهم من يحرص على الترتيب الابجدى مع التصنيف pharmacolgical ومنهم من يحرص على الترتيب الابجدى حسب الشركات وهى الاقل انتشارا بين عموم الصيدليات والاشهر فى الصيدليات الكبرى لكبر اصناف كل شركه بالصيدليه

من السابق يتضح ان اغلب الطرق يجمعها الترتيب الابجدى وبالتالى وكما ذكرنا فى المشاركات الاولى من الموضوع نحرص فى المرحله الاولى من التدريب على اسم الدواء واستخدامه وطالما تم التخرج بحمدالله ضيفى عليها الماده الفعاله ( كل ده فى كشكول صغير يتم تقسيمه وتدوين كل صغيره وكبيره فيه)

الفارق فى البدايه فقط هو اضافه تصنيف الشركات مبكرا مما يشكل بعض العبء فى الحفظ والمراجعه مما يعنى وقت اكثر فقط فى الالمام بالدواء فى الصيدليه واماكنها

ونصيحه لكى ان تواجدت الدكتوره صاحبه الصيدليه بها فاحرصى على الاستفاده من معلوماتها والاستفسار عما قد يبدو صعبا عليكى فى البدايه لان وجود صاحب الصيدليه بصيدليته او الصيدلى الثانى ونقل خبرته الى الصيدلى المتدرب بها تعتبر ميزه كبرى تساهم الى حد كبير فى تذليل الكثير من العقبات الاخرى والتى يواجهها فى بدايه تدريبه ومنها شكواكى

ومن المعروف ان هناك عده عوامل يلجأ لها المتدرب فى تحديد افضل صيدليه يمكنه التدريب بها

1- سمعه الصيدليه الحسنه
2- تواجد صيدلى بها بصفه مستمره وتعاونه فى نقل الخبرات
3-حركه الدواء فى الصيدليه (صيدليه شغاله)
4 توافر اغلب اصناف الدواء بها
5- وجود سابق معرفه او صله بين المتدرب وصاحب الصيدليه (كالاقامه والسكن فى نفس المنطقه مثلا ) وتنزل تشترى منه ادويتك باستمرار
6- هيئه الصيدليه ونظافتها وترتيبها

كل تلك العوامل او بعضها يوازن بينها المتدرب فى القرار ما بين الاستمرار وتحمل المسئوليه وبين البحث عن صيدليه افضل من وجهه نظره للتدريب بها

وملحوظه هامه جدا

طالما انت تبحث دوما عن الافضل فاحرص ان تكون انت اولا كذلك

من حيث الجديه فى التدريب والالتزام بالمواعيد والاهتمام بنصائح الصيدلى وتدوينها

واعلمى جيدا د. شيرين

ان كل مهاره جديده فى حياه الشخص هى شىء مجهول فى اوله ولها رهبتها وبالممارسه وقوه الاراده والصبر يتم اكتساب الخبره وتزول الرهبه

وبالتوفيق ان شاء الله











من مواضيع sunny1 في المنتدى :
sunny1 غير متواجد حالياً   رد مع اقتباس
قديم 06-03-2012, 02:49 PM   #16
أحمد سعيد
صيدلي منطلق

 رقم العضوية: 10428
 تاريخ التسجيل: Jun 2012
 المشاركات: 331
 معدل المشاركات يومياً: 0.38
 

الجنس: Male

علم الدولة: Egypt
راقي بأخلاقي


صفحتنا على الفيس بوك

افتراضي


يا جماعة الخير خلونا واقعيين مرة في حياتنا ما يبقاش سوق العمل في وادي والصيدلي عايش في مدينته الفاضلة بالنسبة للصيدلي من أول سنة وبدون مبالغة دور علي شغل في شهور الأجازة اذا كان في صيدليتك بتجيب البنت يا دوب بتقرأ انجليزي وأسبوع بتلاقيها نقلت وشوية شوية بدأت تقرأ الروجيته وبدأت تحفظ الأسماء العلمية والأسعار والبدائل وفي حاليا مساعدين بياخدوا نفس مرتب الصيدلي لأنه خبرة عنه وشاطر ومطلوب من الزبون لأنه ثقة ودا واقع ما ينفعش منه الهروب التدريب بيجي مع الشغل والزبون مش هيفرقك من المساعد ان ما كانش هو أدري منك بالسوق وبادارة الصيدلية من حيث الطلبيات دا واقع الصيدلية لكل من كانت هي اتجاهه


من مواضيع أحمد سعيد في المنتدى :
أحمد سعيد غير متواجد حالياً   رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
مشاكل التدريب فى الصيدليات Copacabana ملتقى الخريجين 10 03-07-2013 11:43 PM
التدريب المؤهل للصيدلي د. سعيد شمعه مناقشة قضايا المهنة 27 01-26-2013 06:48 PM
ابحاث التدريب الصيفى عاشقة الحرمين طلاب كليات الصيدلة 25 09-08-2012 10:36 PM
سؤال بخصوص التدريب *sara* التدريب في الصيدليات

0 07-27-2012 02:00 AM
عصر جديد من التدريب على اسس الادارة beyondlimits الأرشيف

0 05-16-2012 12:41 PM


الساعة الآن 04:38 PM


جميع حقوق المواضيع محفوظة لاعضاء منتدى صيدلي المستقبل .. ولا يجوز النقل أو الاقتباس منها إلا بذكر المصدر

جميع الآراء والمشاركات المعروضة على المنتدى تعبر عن آراء أصحابها فقط وليست بالضرورة تعبر عن رأي إدارة المنتدى


Powered by vBulletin® Version 3.8.7
Copyright ©2000 - 2014, vBulletin Solutions, Inc